2026-yil 10-sentabrda Fransiya geologiya xizmati (BRGM) va Fransiyaning xalqaro texnik hamkorlik davlat agentligi Expertise France vakillari Toshkentdagi Gidrogeologiya va injenerlik geologiyasi institutida (GIDROINGEO) bo‘ldi. Institut bu haqda 11-sentabrda xabar berdi. Mehmonlar Farg‘ona vodiysining chuqur geotermal energiya salohiyati haqida fikr almashish va hamkorlikni muhokama qilish uchun kelgan.
Institut xodimlari mehmonlarga geotermal suvlarga oid tadqiqotlari va istiqbolli hududlarda o‘tkazilgan izlanishlar haqida so‘zlab berdi. Tomonlar vodiyning chuqur geotermal resurslarini o‘rganish, ularning energetik salohiyatini baholash, zamonaviy texnologiyalarni qo‘llash va geotermal suvdan samarali foydalanish yo‘llarini muhokama qildi.
Shuningdek, geotermal energetikada ilmiy va amaliy hamkorlikni rivojlantirish, tajriba almashish va kelajakda qo‘shma loyihalar ustida ishlash haqida ham so‘z bordi.
