«Yangi O‘zbekiston» gazetasining 2025-yil 5-avgustda chiqqan 158-sonida «Yashil iqtisodiyot» ruknida «Geotermal energiya – Yerning issiqligidan elektr toki olishning yangi yo‘nalishi» sarlavhali maqola e’lon qilindi. Bu haqda X.M. Abdullayev nomidagi Geologiya va geofizika instituti o‘sha kuni xabar berdi.
Maqola mualliflari — institutning Litosfera tuzilishi laboratoriyasi mudiri Rasuljon Saxobidinov va laboratoriya bosh ilmiy xodimi Irina Sidorova. Maqolada geotermal energiyaning bugungi kundagi ahamiyati, qayta tiklanuvchi manba sifatidagi istiqbollari, O‘zbekistonda olib borilayotgan tadqiqotlar va institutning bu sohadagi ishlari yoritilgan.
